/****/ Algengar spurningar
Find the best bonuses for online poker on 888poker

Algengar spurningar

Frímúrarastarf


Þótt tilvist frímúrarasamtaka sé almennt kunn, þá eru færri sem vita að til eru í heiminum ýmsar ólíkar frímúrarareglur, sem starfa eftir mismunandi lögum og mismunandi siðakerfum og hafa ekki sömu afstöðu til trúmála og jafnréttis.

Allar frímúrarareglur eiga sér sameiginlegan uppruna. 24. júní 1717 komu fjórar frímúrarastúkur saman í London og stofnuðu með sér United Grand Lodge of England. Það felur jafnframt í sér, að frímúrarastarfið er miklu eldra. Um þann tíma er hins vegar fátt eitt vitað, af því að þá voru frímúrarareglur raunverulegar leynireglur og létu ekkert uppi um tilvist sína. 1723 voru gefin út stjórnskipunarlög (The Constitutions of the Free-Masons) kennd við James Anderson, en helsti meðhöfundur hans var Jean-Théophile Désaguliers, og voru þeir báðir mótmælendaprestar. Í þessum lögum er lögð áhersla á bræðralagshugsjón og virðingu fyrir öllum trúarbrögðum - og þar með leið fyrir menn af ólíkum uppruna og með ólík viðhorf til að finna sameiginlegan grundvöll til að skapa frið og samlyndi í heiminum. Menn urðu að hafa einhvers konar guðshugmynd, vera frjálsir og óháðir og fjár síns ráðandi, og því gátu hvorki þrælar né konur orðið frímúrarar. Sumar frímúrarareglur hafa enn í dag ekki breytt þessari afstöðu til kvenna.

Á 18. og 19. öld breiddist þessi starfsemi til ýmissa landa, og þá fór að bera á mismunandi skilningi og afstöðu, ekki síst í Frakklandi, þar sem hætt var að krefjast guðshugmyndar og svokallaðir guðleysingjar einnig taldir gjaldgengir, ef þeir uppfylltu önnur skilyrði.

2011
Strict Standards: Only variables should be assigned by reference in /vefir/fyrirtaeki/s/samfrim.is/public_html/templates/inspiration-tg/index.php on line 171
Algengar spurningar. Alþjóðleg frímúrararegla karla og kvenna, LE DROIT HUMAIN á Íslandi Kirkjustétt 2-6 - 113 Reykjavík. Sími 561-1557. Netfang samfrim@simnet.is